இசையால் இஸ்லாமை எதிர்த்து ஒரு பெண்

அனாஹிதா, இராக்கைச் சேர்ந்த 28 வயது இளம் பெண். இசையைத் தனது உயிராகக் கருதி தனதை உயிரையும் துச்சமாக எண்ணி வாழ்ந்து வருகின்றார். ஒரு இஸ்லாமிய வீட்டில் பிறந்து வளர்ந்த அவர், தனது பெற்றோரின் மதத்தை நிராகரித்துவிட்டார். ஜனாசா என்ற பெயரில் பாடல்களைப் பாடி வருகின்றார். இராக்கின் சதாமின் வீழ்ச்சிக்குப் பின்னர், வெகுவாக இளைஞர்கள் பலர் இஸ்லாமின் பிடியில் இருந்து தம்மை விடுவித்துக் கொள்ள முயன்று வருகின்றார்கள். ஆனால் இராக்கின் பழமைவாத அரசியல் அதிகார வர்க்கமும், மத அதிகார வர்க்கமும் இவர்களைக் கட்டம் கட்டி தீர்த்துக் கட்டி வருகின்றன. 

ப்ளாக் மெட்டல் என அழைக்கப்படும் அதிரடி இசை வடிவத்தால் ஈர்க்கப்பட்ட இப்பெண் பல பாடல்களைப் பாடி வருகின்றார். இவரின் முதல் வெளியீடான ''குரானின் பக்கங்களைக் கொழுத்துவோம் '' என்ற இசைத் தட்டு மொத்தம் 13 நிமிடங்கள் ஓடக் கூடிய, ஐந்து பாடல்களைக் கொண்டது. 

ப்ளாக் மெட்டல் இசைக் கலைஞர்கள் பொதுவாகக் கிருத்தவ எதிர்ப்புப் பாடல்களைப் பாடக் கூடியவர்கள். இதே பாணியை இஸ்லாமின் கொடூரங்களுக்கு எதிராகத் தமது இசை யுத்தத்தைத் தொடங்கி உள்ளார்கள். 

அவர் அண்மையில் தி அட்லாண்டிக் பத்திரிக்கைக்குக் கொடுத்த பேட்டி ஒன்றில் கூறுகின்றார், '' நான் அறிவியலைத் தகவல்களைப் படிக்க ஆரம்பித்த போது, அது இஸ்லாமோடு பொருந்தாமல் இருப்பதை உணர்ந்தேன், ஆனால் அவர்கள் ''மூளைச் சலவை'' செய்து மக்களிடம் இஸ்லாமை நம்ப வைக்கின்றார்கள் '' என்றார். 

இப்லிஸின் விதைகள் என்ற மற்றுமொரு இராக்கிய இசைக் குழுவிலும் இணைந்து பாடி வருகின்றார். அவற்றில் பெரும் புகழ் வாய்ந்த பாடல்கள் : '' இஸ்லாமிய பொய்கள் '', '' குரானின் பக்கங்களைக் கொழுத்துவோம்'', '' மனித குலத்தை இஸ்லாம் செய்த மூளைச் சலவை'' ஆகியவை புகழ் வாய்ந்தவை. 

அவரின் இஸ்லாமிய வெறுப்புக்கு முக்கியக் காரணங்களாக அவர் கூறுவது இஸ்லாமில் நடைபெறும் கொலைகளும், குற்றங்களும் என்று தான் கூறுகின்றார், '' இஸ்லாமிய மனித வெடிக் குண்டுத் தாக்குதலில் எனது பெற்றோர்களையும், இளம் தம்பியையும் இழந்தேன், மதங்களால் மூளைச் சலவை செய்யப்பட்டவர்களால் நிகழ்த்தப்படும் கொடூரங்களால் எனது கல்லூரி நண்பர்களையும் இழந்தேன் '' என்றார். 

இவர்களின் இந்தப் பாடல்களால் இவர்களின் உயிர்களுக்குப் பெரும் அச்சுறுத்தல் இருந்து கொண்டே இருக்கின்றன. பலர் தமது சுயவிவரங்களை வெளியிடுவதில்லை. அப்படி வெளியிட்டால் என்னவாகும் என்ற கேள்விக்கு அவர் அளித்த பதில் இது தான், '' ஒரே பதில் தான். என்னைக் கொல்வார்கள், தலையை அறுத்து எனது தோழர்களைக் கொல்வார்கள் அவ்வளவு தான் '' என்றார். 

அவரின் இசைக்குழுவுக்கு ஜனாசா என்று பெயரிட்டுள்ளார். ஜனாசா என்றால் அரபு மொழியில் '' ஒப்பாரிப் பாடல்கள் '' என்று அர்த்தமாம். அவரின் பாடல்கள் ஒரே ஒரு இணையத் தளத்தில் மட்டுமே விற்பனையாகியது. அதுவும் இப்போது விற்றுத் தீர்ந்தாகி விட்டது. அவரின் சில இசைகள் யூட்யுபில் காணக் கிடைக்கின்றன. அவற்றில் சிலவற்றைக் கீழே தொகுத்துள்ளேன்.